Azzurriak final erdietan

Eneko Artaza Gurrutxaga

Atzo Italiako selekzioak Ingalaterrari irabazi zion Europako txapelketako final laurdenetan. Partidua Italiaren eskuetan egon zen, baina gola sartzeko ezintasunak penaltietara eraman zuen partidua.

Partidu hasieran Ingalaterrak izan zituen aukera onenak, baina batean Buffon eta bestean zutoinak gola saihestu zuten. Hortik aurrera Italia baloiaren jaun eta jabe izan zen, eta azzurroen artean Pirlo erdilaria izan zen partiduko onena. 

Partidua bukatzear zegoela italiarrek gola sartzen saiatu zuten, baina ingelesak fin ibili ziren defentsan, eta partidua 30 minutuko luzapenera joan zen. Hemen ere partidua berdin segitu zuen, eta azkenean penaltietara heldu ziren.

Montolivok Italiako bigarren penaltia huts egin zuen. Galtzen joan arren Pirlo ez zuen nahiko izan egindako partidu onarekin, eta penaltia Panenka erara sartu egin zuen. Ingalaterrak hurrengo penaltia kanpora bota zuen, eta bosgarren eta azkenekoa Buffon atezainak   gelditu zuen.

Beraz Italia final erdietara sailkatu da, eta Alemaniaren aurka jokatu beharko du.

Berria.info

22-7, Garaipen azkarra

 Eneko Artaza Gurrutxaga

Aimar Olaizola gailendu zen Juan Martinez de Irujoren aurka atzo ospatu zen Buruz Buruko txapelketako finalean. Partidua ordu erdi exkax iraun zuen, Asegarzeko pilotariak puntuak bata bestearen atzean irabazi baitzituen.

Irujo ondo hasi zen partiduko lehen tantoetan, baina geldiune batetik bueltatzean partidua bertan bera joan zitzaion, eta ezin izan zuen tanto gehiagorik egin.  Zazpigarren tantotik aurrera gipuzkoarra norgehiagokaren jaun eta jabe izan zen, eta zuzenean 22 tantoetara joan zen. 

Partidua bukatzean Juan arbitroei buruz hitz egin zuen, berak nahi izan ez zuen  deskantsu bat hartzera behartu baitzioten. Geldialdi horren ostean partidua bukatu zen berarentzat. Hala ere, Olaizola hobeto jokatu zuela onartu egin zuen Irujok.

Hirugarren aldiz Olinpoan

Sebastian Loeb-ek berriz ere piloto indartsuena dela eakutsi du. Rallyan garaipena lortu zuen eta azken tartean ere gailendu zen, ematen diren hiru puntu extrak lortuz.

Eneko Artaza Gurrutxaga

Sebastian Loeb hirugarren aldiz gailendu da Acropolis Rallyan. Asteburu osoan zehar borrokan ibili da Ford taldeko gidariekin. Lehenengo Latvalak eta gero Solbergek egindako okerrek garaipenerako bidea erraztu diote frantziarrari. Lortutako puntuekin, sailkapeneko lehenengo postuan ezarri da, eta 28 puntuko aldea dauka Mikko Hirvonenekin.

Ostegun goizean tarte kronometratuetara ateratzeko ordena ezartzeko klasifikazioa ospatu zen. Solberg eta Latvala izan ziren azkarrenak. Citroen taldeko Loeb eta Hirvonen hirugarren eta laugarren izan ziren. Bosgarren postuan Eugeny Novikov errusiarra sailkatu zen.

Arratsaldean lehenengo tarteak ospatu ziren. Hasieran Latvala, lesio batetik bueltatu berria zena, izan zen azkarrena. Baina kilometroak pasatu ahala, Loebek erritmoa hartu zuen eta Jari-Mati aurreratzea lortu zuen. Hirugarren Solberg sailkatu zen eta Hirvonen laugarren.

Ostiraleko tarteetan Loeb-ek eta Latvala-k borroka protagonizatu zuten. Batek tarte batean scratch-a lortzen bazuen, hurrengoan besteak berbera. Finlandiarrak denbora tartea segundo batera murriztea lortu zuen, baina eguneko azken pausuetan gurpil bat lehertu zuen, irabazteko aukera guztiak galduz. Orduan talde britainiarraren ardura guztia Solberg-en sorbaldan jarri zuten.

Larunbateko jardunaldian, Noruegiarra ez zen gutxi izan, eta lehenengo kilometroetatik erasoan atera zen. Egunean zehar Loeb-ekiko zuen tartea murrizten joan zen. 10 segundoko aldea zegoen Citroen eta Ford taldeko gidarien artean lasterketako azken eguna ospatzeko. Atzetik Hirvonen eta Latvala sailkatu ziren.

Igandean Solberg erasoan segitu zuen. Baina lehenengo tartean kontzentrazio huts bat izan zuen, eta eskumako bihurgune batean barnealdeko harri bat kolpatu zuen. Ondorioz, kotxeko aurreko gurpila hautsi eta rallytik erretiratzeko beharra izan zuen. Beste rally etsigarri bat Ford WRC taldearentzat. Beste alde batetik Hirvonen, rally osoan erritmoa aurkitu ezinean ibili zena, bigarren postuan jarri zen, Solberg-en okerra aprobetxatuz. Azken aurreko tartean Loeb-ek gurpil bat zulatu zuen, eta bere kopilotuarekin kontsultatu ondoren gurpila tartean konpontzea erabaki zuten. Hala ere, denbora soberan izan zuen Citroen taldearentzat aurreneko bi postuak lortuz. Presio uneetan psikologikoki indartsuena dela erakutsi zuen Frantziarrak Greziako errepideetan. Scratch gehien egin zituen partaidea izan arren, Latvala hirugarren geratu zen.

Sailkapen nagusian Loeb doa lehenbiziko posizioa, Hirvonen eta Mads Ostberg finlandiarren aurretik. S2000 kategorian Sebastian Ogier, hurrengo urterako VW Polo R WRC kotxea garatzen dagoena, izan zen azkarrena. WRC Academy-n Ebans gailendu zen. Jose Antonio Suarez asturiarra bosgarren geratu zen.

Loeb, Daniel Elena eta Citroen taldeko partaideak garaipena ospatzen podiumean

http://www.revistascratch.com/wrc/